)
હિતલ પારેખ, ગાંધીનગર: ભાજપે આજે ગુજરાતની રાજ્યસભાની બેઠકો માટે ઉમેદવારોના નામની જાહેરાત કરી. અભય ભારદ્વાજ અને રમીલાબેન બારાને તક અપાઈ છે. આ બાજુ કોંગ્રેસમાં રાજ્યસભાની બેઠક માટે કોને તક આપવી તે મુદ્દે ભારે જદ્દોજહેમત ચાલી રહી છે. કોંગ્રેસની ઉમેદવારી માટે કોળી સમાજનું લોબિંગ ચાલી રહ્યું છે. કોળી સમાજ નારાજ જણાઈ રહ્યો છે. તેમનું કહેવું છે કે કોંગ્રેસમાં પહેલા જેવું કોળી સમાજનું પ્રભુત્વ નથી. કોળી સમાજના આગેવાનો આજે ગાંધીનગરમાં ભેગા થયા અને એક બેઠક યોજાઈ.
રાજ્યસભા ચૂંટણી: ગુજરાતમાંથી અભય ભારદ્વાજ અને રમીલાબેન બારા BJPના ઉમેદવાર, જાણો તેમના વિશે
ગાંધીનગરના સર્કિટ હાઉસ ખાતે કોળી સમાજના ધારાસભ્યો અને સમાજના આગેવાનોની આ બેઠક યોજાઈ જેમાં પૂજાભાઈ વંશ, ઋત્વિજ મકવાણા, કોળી સમાજના આગેવાન અને ધારાસભ્ય સોમાભાઈ પટેલ, રાજેશ ગોહિલ, વિમલ ચૂડાસમા, બાબુભાઈ વાજા હાજર રહ્યાં હતાં.
જુઓ LIVE TV
લીમડાના ધારાસભ્ય સોમાભાઈ પટેલે કહ્યું કે કોળી સમાજના આગેવાનો ભેગા થયા છે. કોંગ્રેસમાં પહેલા જેવું કોળી સમાજનું હાલ પ્રભુત્વ નથી. તેમણે કહ્યું કે સંગઠનના માળખામાં પણ કોળી સમાજને કોઈ મહત્વ આપતું નથી. તેમણે એમ પણ કહ્યું કે ભાજપ દ્વારા સૌરાષ્ટ્રના કોળી સમાજને મહત્વ આપવામાં આવે છે પરંતુ કોંગ્રેસે સૌરાષ્ટ્રના કોળી સમાજને ક્યારેય રાજ્યસભામાં સ્થાન આપ્યું નથી. તેમણે કહ્યું કે રાજ્યસભામાં જવાની મારી તૈયારી અને ઈચ્છા છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
